Sanaartukkanik sipaaruteqarnissamik pilersaarusiorneragaapput
Sanaartugassanik sipaaruuteqartoqassappat, Narsami Nanortalimmilu atuarfiit nutarnerneqarnissaat eqqorneqassapput, aammalu Qaqortumi Autistimik innarluuteqartut katsorsaavissaatut pilersaarutigineqartoq piviusunngunngiitsussalluni. -Ilsimaarilluinnarpara nunarput aningaasatigut annertuumik unammilligassaqarmat, sakkortunerpaamillu mianersoqqussutigerusuppara, Naalakkersuisunngorlaat sanaartugassanut aningaasaliissutinik sipaarniuteqarniarnerat Kommuuni kujalliup borgmesteria Simon Simonsen allappoq, nangillunilu, pingaaruteqarluinnarpoq meeqqat inuusuttullu pitsaasunik atuarfeqarnissaat.
Aningaasaliissutigineqartut kujataanut atorneqannginissaat ernumassutigineqarpoq, taamatullu ernumaneq suliffeqarnermut ataatsimiititaliap siulittaasuanit Ole Mølgaard-Motzfeldtimit tapersorneqarpoq, suliffissanik aallartitsinissamut pisariaqartitsisoqarmat aningaasaliinissaq pisariaqartinneqartoq oqarluni. Aningaasarsiornikkut ajornartorsiuteqarneq Kalaalllit Nunaannut sunniusimalerpoq, ajornatorsiutit sipaarniuteqarnikkut maannakkorluinnaq qaangersinnaanngilarput, taamaattumik pisortat aningaasaliinerisigut aningaasarsiorneq aallarteqqitariaqarpoq, Inuussutissarsiornermut ataatsimiititaliami siulittaasoq Kalistat Lund tapersiilluni allappoq. Sanaartukkanik sipaarniartoqarnera pillugu allagaq uppernarsiniarlugu Namminersorlutik Oqartussat allaffeqarfiat paasiniaaffigisimagaluarparput iluatsinnatiguli.