Sanaartugassat atuarfiillu sipaarfiusut inulerineq eqqornerlunneqassanngilaq
Borgmesteri ima tunngavilersuivoq:
-Inulerineq pingaaartinneqartorujussuuvoq taanna politikkikkut anguniagassani inissitaareerpoq. Naatsorsuutiginngilara taakkua arlaannaatigulluunniit eqqornerlunneqassasut, borgmesteri Siumumeersoq Inuit Ataqatigiinnillu inulerinermut tunngasutigut pingaarutilimmik suliniuteqartussasut anguniagaqarnermik isumaqatigiissuteqartoq oqarpoq.
Soorli atuarfeqarfiit eqqorniarneqarpat?
-Atuarfeqarfiit ilaanni atuartumut ataatsimut 47.000 koruunit atorneqartarput, allami 70.000 koruunit atorneqartartut. Tassa 30.000 koruuninik assigiiinngissut nalimmassarneqassaaq, oqarpoq.
Aammali innarluutilinnut sullissinermi ingerlatat qitiusumiit ingerlatilissanerarpai. Tassa sumiiffimmi ataatsimi sullissisoq ataaseq peqanngikkaangat nalunaarutissat unitsinneqartarput taamaasillunilu kommunit akilerallagaat utertitassat utertinngitsoorneqartarlutik. Tamannalu pinngitsoorniarluu qitiusumiit ingerlatsisoqassanerarpaa. Jess Svanep aamma erseqqissaatigaa taamaallaat ingammik aningaasatigut ingerlatsinermut tunngasutigut eqiterisoqarniartoq.