Ilinniartunut inissiat 16-it ilinniartunut 508-inut inissaqarfiusut Aasianni, Ilulissani, Nuummi, Qaqortumi Sisimiunilu ukiut tallimat qaaniuppata piareersimasussaapput. Naalakkersuisulli sanaartortitsinissaminnut atatillugu ilinniartut inissiassaasa qanoq sananeqarnissaannut tunngasunik piumasaqaateqarpallaarput. Asseq toqqortaq.

Sanaartortut Naalakkersuisut ilinniartunut inissialiornissamik piumasaqaataat isorigaat

Naalaakkersuisut illoqarfinni tallimani ilinniartunut inissialiassat betongitaat sanaartorfimmi kuisaanatik kuitsivinni kuisaareersuunissaat piumasaraat. Taamaaliornissamut neqeroorutit ikinnerullutillu akisunerusinnaasut, Sullisitsisut isornartorsiuillutik oqarput.

Ilinniartunut inissiat 16-it ilinniartunut 508-inut inissaqarfiusut Aasianni, Ilulissani, Nuummi, Qaqortumi Sisimiunilu ukiut tallimat qaangiuppata piareersimasussaapput.

Tamatumani Naalakkersuisut aningaasaliisuullutik sanaartortitsisuussapput.

Naalakkersuisulli sanaartortitsinissaminnut atatillugu ilinniartut inissiassaasa qanoq sananeqarnissaannut tunngasunik piumasaqaateqarpallaarput.

Sulisitsisut peqatigiiffiata sanaartortunut ataatsimiititaliaa taama isumaqarpoq.

AAMMA ATUARUK Illoqarfinni tallimani ilinniartut ineqarfiinik 16-inik sanaartortoqassasoq

Ingammik ilinniartunut inissiassat betongitaasa kuitsivinni kuisaareersuunissaannik piumasaqaat ingasattajaarnerusoq, ataatsimiititaliaq isumaqarpoq.

- Matumani atorfillit immikkuualuttunut atortorissaarutinut tunngasupilussuit tikippaat oqarlutik, "uagut atorfillit politikerillu qanoq sanaartortoqassanersoq sanaartortunit ilisimanipilussuuarput". Taamaaliornerlu sianiilliorneruvoq - ingammik tamatuma sanaartorneq akisunerulersippagu, ineqarneq akisunerulersippagu illoqarfinnilu minnerusuni suliassakinnerulersitsippat. taamaaliorneq isumaatsoorneruallaaqaaq, Sulisitsisut pisortaat, Brian Buus Pedersen, oqarpoq.

Neqerooruteqartitsisarnermut inatsimmut naapertuutinngitsoq

Tassami betongimik kuioqqariikkanik sanaartornissamik piumasaqaateqarmat suliffeqarfiit mikinerusut betongimik kuitsiviuteqannginnamik suliariumannikkuminaatsitsissasut, taanna isumaqarpoq. 

Sulisitsisut oqarnerat naapertorlugu tamanna suliffeqarfiit mikinerusut suliariumannikkumasinnaasut betongimik kuioqqariikkamik pissarsiumallutik nunatsinni kuitsiviutilinnut saaffiginnittariaqalernerannik inerneqarsinnaavoq.

Taamaattunillu tunisassiortoq saaffigisaat nammineq aamma suliariumanngikkumasuusinnaavoq, taamaalillunilu unammillertiminut pitsaasumik neqerooruteqarumajunnarnani.

Naalakkersuisut taamaalillutik neqeroorsinnaasut ikilisippaat, taamaaliornerlu neqerooruteqartitsisarnermut inatsimmik unioqqutitsinerusoq, sanaartortut isumaqarput. 

- Betongip aalajangersimasumik periaaseqarluni kuineqarnissaanik aalajangiinikkut killileereerput. Tassalu allanik periuseqarsinnaaneq itigartippaat, taamaaliornerlu neqerooruteqartitsisarnermut inatsimmit allaanermik iliorneruvoq, Brian Buus oqarpoq nangillunilu:

- Ajornerpaavoq sanaartortut qulaatiinnarmatigit. Sulianik ilisimasallit pitsaasumik oqaloqatigeqqaarnagit taamaaliorput.

Taamaattumik sanaartorneq pillugu ataatsimiititaliap Sulisitsisut aqqutigalugit Ineqarnermut Attaveqaqatigiinnermullu Naalakkersuisoq Karl Frederik Danielsen aggustip 13-anni ataatsimeeqatiseraat. Tassa ilinniartunik inaannik sanaartornissanik neqeroorfissaq qaangiutsinnagu.

Ataatsimiinnissaq septembarip 20-ani pisussatut sulisitsisut aggersaapput, Karl Frederik Danielsenili suli akisimanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat