Sanaartortitsinerup nakkutigineqarnerulernissaa NuSuKamit ujartorneqarpoq

Kaajallaasitaliap malinneqannginneratigut ilinniartut annaaneqartarput, NUSUKAP siulittaasua Gerth B Lynge oqarpoq.

Pisortat sanaartortitsineranni 10 millionit koruunit tikillugit akeqartillugit ilinniartut pingasut atorfinitsinneqartussaapput.

Pisortat sanaartortsinneranni suliffeqarfiit sanaartornermik suliaqartut 3 millionit koruuniniit 10 millionit koruunit tikillugit akeqartunik, pingasunik ilinniartunik atorfinititsinissaannik Namminersornerullutik Oqartussat 2006-imi kaajallaasitaliaata nakkutigineqarnerunissaa, NUSUKA-mit piumasaqarineqarpoq.

Suliffeqarfiit ilinniartunik sapinngisamik amerlanerpaanik sulisoqarsinnaanissaat NUSUKA-mit kissaatigineqartoq, siulittaasoq Gerth B. Lynge oqarpoq.

Kaajallaasitap maleruarneqarnissaa sukaterneqarnissaalu aammalu suliffeqarfiit ilinniartoqarnissaminnut kaajallaasitamik maleruaanersut nakkutigineqarnissaa kissaatigineqarpoq.

NUSUKA isumaqarpoq, ilinniartut suliffeqarfinni sulilertussaagaluit annaaneqartartut, suliffeqarfiit 10 millionit angullugit sanaartortut isumaqaramik pingasunik ilinniartunik sulisoqassallutik, Gerth B Lynge oqarpoq. Suliffeqarfiit akunnattumik angissuseqartut mikinerullu ilinniartunik amerlasuunik sulisoqarput, maannakkullu tamakku suliassaarullutik aallartikkamik ulorianartorsiorput, Gerth B Lynge oqarpoq.

Ilinniartunik atornititsinissamik kaajallaasitap 2006-imi atuutilersup inatsisinngortinneqarnissaa NUSUKA-mit piumasarineqassaaq.