Sanaartornermik Ilinniarfiup suleqataanini unitsiinnarpaa

Qallunaat kalaallillu sanaartornermik suliaqartut Alluitsumi illutoqqanik aserfallatsaaliinissamik pilersaarutaat SIK-mit maangaannartinneqarmat, Sanaartornermik Ilinniarfiup Sisimiuniittup aamma pakatsissutigaa.
Allattoq Louise M. Kleemann
apriilip 21-at 2008 11:14

- Allatut ajornartumik uaguttaaq suleqataanerput unitsiinnartariaqarparput, taama oqarpoq Jokum Møller, Sanaartornermik Ilinniarfiup pisortaa.

Sanasunngorniat illutoqqanik aserfallatsaaleeqataanissaat pilersaarutaagaluarpoq. Sanasunngorniat nunatsinneersut qallunaallu ilinniartut misilittagaqalaarnerusut peqatigiillutik upernaaq manna aasallu ingerlanerani suleqatigiissinnissaat siunertaagaluarpoq.

- Ilinniartuutitta immikkorluinnaq ittunik suliaqarnissaagaluat uniinnartariaqassammat aamma taakkununnga siunissami ilisimasassaattut iluaqutaasussaagaluit annaasussanngoratsigik uggornarpoq, taama oqarpoq Jokum Møller.

Sulinermik Inussutissarsiuteqartut Kattuffiat, SIK, Sulisitsisullu Peqatigiiffiat aqqiaginngiissuteqarlutik marsimi SIK 800.000 koruuninik akiliisussanngortitaammat SIK suliamit tunuarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq