Sanaartornermi suliffeqarfiit anginerit kattupput

Nunatsinni sanaartornermi suliffeqarfiit anginerit pingasut kattullutik suliffeqarfissualiorput. Tassuuna qulakkeerniarpaat nunatsinni aatsitassarsiornermi suliffeqarfiit nunatsinniittut suliassaqartinneqarnissaat.
Allattoq Noah Mølgaard
marsip 23-at 2011 06:35

Suliffeqarfiit pineqartut tassaapput EMJ-Atcon, Permagreen aamma MT Højgaard. Taakkulu malippaat Kuupik Kleistip aamma Jens B. Frederiksenip nunatsinnut suliffeqarfinnut inassutaat tassalu allisarlutik nukinnerulertariaqartut unammilligassanut nutaanut peqataasinnaaniassagunik.

Suliffeqarfiillu pingasut kattuttut misilittagaqarluarput.

MT Højgaard ukiut 50it sinnerlugit nunatsinneereerpoq, Permagreen 1950ikkunnili nunatsinniippoq kiisalu EMJ-Atcon 1992-mili nunatsinniissimalluni.

Taakku illoqarfinni ataasiakkaani misilittakkatik piginnaasatillu kattummata isumaqarput ajukkunnanngitsunik neqerooruteqarsinnaallutik.

- Issittumi sulinermi misilittagaqarluarneq aammalu pinngortitamut kulturimullu ilisimasaqarneq imminermini piginnaaneruvoq, taama oqarpoq Jóannes Niclassen MT-Højgaardimeersoq, taassumalu erseqqissarpaa suliffeqarfissuanngortumi nunatsinni suliffeqarfiit allat peqataalersinnaanerat aamma ammaffigigitsik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq