Sanaartorneq pillugu septembarimi ataatsimeersuartoqassaaq
- Ataatsimeersuarnermi sanaartornerup pitsaanerunissaa, akikinnerunissaa naammassisaqarfiunerunissaalu pillugu sammisaqarnissarput isumaqatigiissutigisorujussuuarput. Aningaasaliissutaasut nalinginnaasumik innuttaasunut, pingaartumillu sanaartornermut iluaqutaasumik nuannaarutaasumillu inuiaqatigiinni sulitinneqarnissaat pingaaruteqarpoq, Ineqarnermut Naalakkersuisoq Siverth K. Heilmann tusagassiorfinnut nalunaaruteqarluni taama allappoq.
Aningaasaliissutaasut iluaqutaasumik nuannaarutaasumillu inuiaqatigiinni sulitinneqarnissaat siunertaralugu Naalakkersuisut aamma Kalaallit Nunaanni Sulisitsisut Peqatigiiffiat aalajangersimapput suliassat neqerooruteqartitsivigineqarsinnaalersut aamma kinguarsaqqinneratik neqerooruteqartitsivigineqartarnissaat taamatullu aamma suliassat allat suiartinneqarsinnaanerinut periarfissat misissorneqarnissasut.
- Kalaallit Nunaanni Sulisitsisut Peqatigiiffiata suleqatigineqarnera suliniuteqarluarfiusumik ataqqeqatigiiffiusumillu, kiisalu pilersitsiffiulluartunik angusassanillu siunnnerfiusunik oqaluuserisassaqarfiulluni ingerlanneqarpoq. Sullissisut soqutiginartut attuumassutillillu Sanaartorneq pillugu Ataatsimeersuarnermut qaaqqunissaannut qilanaalereerpunga, Siverth K. Heilmann qaammatip tulliani Teknikkikkut Siunnersuisartunut Ataatsimiititaliamik, Innaallagisserisunut VVS-ilerisunullu Ataatsimiititaliamik kiisalu Sanaartornermi Sanasunut ataatsimiititaliamik ataatsimeeqateqartussaq taama oqarpoq.
Ataatsimeersuarneq Nuummi septembarip qulingiluaani qulinganiluni ingerlanneqassaaq.
