SANA-p igaffiani sulisoq tuberkulosertoq

Allattoq Mads Lynge
februaarip 24-at 2005 10:21

Dronning Ingridip Napparsimmavissuata igaffiani sulisoq ataaseq tuberkulosertoq paasineqarsimavoq, sulisorlu alla tuberkulosersoralugu pasitsaanneqartoq suliunnaarallartinneqarsimavoq.

Peqqinnissaqarfimmik nakkulliisup Knud Brinkløv Jensenip tamanna ullumi uppernarsarpaa.

- Nuummi TB-ertoq ataaseq paasisimavarput, 2004-imulli sanilliutissagutsigu oqarsinnaavugut siorna TB-ertut 7-iusut Nuummi nassaarineqarsimasut, Peqqinnissaqarfimmik Nakkutilliisoq Knud Brinkløv Jensen oqarpoq.

Nuummi TB-ertut taamaalillutik takornartaanngillat, Knud Brinkløv Jensenillu pissutaasinnaasut ilaat taakkartorpai.

-Tuberkulosi Nuummi nassaassaajuarsimavoq, pissutaasullu ilaat tassaavoq inuit utoqqaassusiat. Utoqqaat amerlasuut Nuummi najugaqarput, imaassinnaavorlu taakku meeraanerminni TB-eersimasut sulilu TB bakteriaa timiminniitsikkaat, Knud Brinkløv Jensen tunngavilersorpoq.

TB-llu nunatsinni suli atorneqarnera inuit ilisimaarisariaqaraat, eqqumaffigisariaqaraallu peqqinnissaqarfimmik nakkutilliisup Knud Brinkløv Jensenip neriuutigaa.

Ullutsinni TB tamakkiisumik katsorsarneqarsinnaavoq, Knud Brinkløv Jensenillu neriuutigaa inuit TB-eersoralutik pasitsattut sukkanerpaamik misissortikkiartortassasut.

2003-mi TB-ertut 89-iusimapput, siornalu 69-iusimallutik.