Samoap qeqertaani ulussaarsuarunarpoq
Manerassuup ilaani qeqertanut Samoamut qanittumi sumiiffiit ilaanni nuna sajorujussuarmat ulussaarsuarnermik tamanna kinguneqarpoq.
- Aseruatitertoqarsimanissaa ilimanarpoq, Hawai-mi kalerrisaarivimmi sulisut ilimasaaripput.
Nunap sajunnera Richterip uuttuutaa malillugu 7,0-mik sakkortussuseqarsimavoq, nunallu sajunnerata, nunap ilaa, Samoap qeqertaanut qanittoq, najugaqarfigineqanngitsorli, eqqorpaa.
Manerassuarmi ulussaarsuariataarnissaanik kalerrisaarivik Hawai-mi inissisimavoq, tassanngaaniillu tassa nalunaarutigineqarpoq, imaata sarfarujussuarneranit takuneqarsinnaasoq ulussaarsuarunartoq.
- Uuttortaanerit paasinarsisippaat nunap sajunnera ulussaarsuartitsilersimasoq. Nunap sajunnerata aallartiffianut qanittumi sineriammi tamanna aseruatiterujussuartoqarsimasinnaavoq, kalerrisaarivimmiit nalunaarutigaat.
