Samoami mæslinginik nappaalasoqarnera meeraaqqat 50-ingajaat toqunerannik kinguneqartoq

Mæslinginik toqquteqartut amerlanersaat meeraapput, toqusut 53-it akornanni 48-t meeraallutik suli sisamaliisimanngitsut.

Samoami innuttaasut 200.000-it akornanni 3700-t mæslinginik nappaateqalersimapput.

Mæslinginik toqquteqartut amerlanerat pissutaalluni Samoami sukannersumik aqutsisoqalernissaa ukioq manna novembarip ulluisa 20-anni nalunaarutigineqarpoq.

AAMMA ATUARUK Qeqertani sukannersumik aqutsineq atuutilerpoq toqusoqarnerata kingorna

Atuarfiit ilisimatusarfiillu matoqqatinneqarput, inuillu katersuuffinnut ornigutinnginnissaat oqartussat kaammattuutigaat.

Samoami innuttaasut mæslinginut kuppilersinneqarsimanngitsut kuppilersinnissaat kaammattuutigineqarpoq.

Inuit 58.000-it mæslinginut kingorna kuppilersissimmapput.

Mæslinginik napparsimalersut nunarsuaq tamakkerlugu ataatsimut isigalugu ukiuni kingullerni amerliartorsimasut, Naalagaaffiit Peqatigiit peqqissuunissaq pillugu suleqatigiiffiata WHO-p oqaatigaa, nunani ineriartorsimasut akornanni aamma takussaanerulersimalluni.

AAMMA ATUARUK Tysklandimi mæslinginut akiuussutissamik kapitissimanissamut inatsit akuersissutigineqartoq

Kuppilersuut MFR-imik taaguutilik isumannaatsuugaluarpoq, peqqinnissaqarfinnili sulisut nunani assigiinngitsuneersut kuppilersuutinut apeqqusiisunut ilaatigut aamma sukataartariaqartarput.

Angajoqqaat internet aqqutigalugu eqqunngitsunik paasissutissiiffigineqartarput, upperisarsiortullu assigisaallu eqqunngitsunik aamma paasissutissiisarlutik.

Naalagaaffik Samoa Manerassuarmi New Zealandip Hawaiillu akornanni inissisimavoq.