Qitornarsiat atugaat suleqatigiinnikkut pitsanngorsarniaraat

Suliniaqatigiiffik Meeqqat Ikiortigit - qallunaatut Red Barnet - Kommuneqarfik Sermersuumi meeqqat angerlarsimaffiup avataanut paaqqutarineqartussanngortinneqarsimasut atugaannik pitsanngorsaanialerpoq.
Assi © : Kommuneqarfik Sermersooq
Allattoq Thomas Munk Veirum
maajip 22-at 2017 10:48
Nutserisoq Jaaku Lyberth

Meqqat Ikiortigit aamma Kommuneqarfik Sermersooq suleqatigiinissamik isumaqatigiissuteqarput, taanna aggustip aallaqqaataani 2017-imit ukioq 2020-p naaneranut atuutissaaq.

- Suliniut "Meeqqat tamarmik angerlarsimaffeqartussaatitaapput" aqqutigalugu kommuni aamma Meqqat Ikiortigit meeqqat angerlarsimaffiup avataanut paaqqutarineqartussanngortinneqarsimasut taakkualu angajoqqaavisa aaqqissuussamik sammisaqartitsinerit aaqqissuulluakkat aqqutigalugit peqatigiittarnissaannik neqerooruteqassapput.

Meeqqat Ikiortigit siulittaasuat Cecilie Rudbeck aamma Kommuneqarfik Sermersuumi Meeqqanut ilaqutariinnullu immikkoortortami fagchefi Tina Dam Rasmussen suleqatigiinnissamik isumaqatigiissut atsiorpaat.  

Tusagassiorfinnut nalunaarut naapertorlugu, sammisaqartitsinerit assigalugit angajoqqaat angajoqqaatut tapersersorneqarnissamik neqeroorfigineqartassapput, suleqatigiinnerlu kommunip suliassaqarfimmi suliaata nukittorsaanissaanik siunertaqarluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk