Sallunaveeqqutitut tigummineqartut suli uumapput
Korea Kujallermiut maanna Afghanistanimi sallunaveeqqutitut talibaninit tigummineqartut suli uumapput, piumasaqaatilli akuerineqanngippata tigusaq ataaseq toqutaajumaartoq, talibanit siuttuata Mullah Omar-ip nalunaarutigaa.
Sallunaveeqqutimik toqutsinissamut maannamut piffissaliunneqartarsimasut qaangerneqareeraluarput. Talibanit parnaarussaaqqasut iperagaanissaat tigusarinnittut piumasaraat, Afghanistanimili naalakkersuisut suli qisuariarsimanatik.
Talibanit isumaqatiginiarneqarsinnaanissaat Afghanistanip præsidentiata Hamid Karzai-p orniginartinngilaa, tamannalu pissutigalugu Karzai-i isornartorsiorneqarsimalluni.
Sallunaveeqqutinik tigumminnittut saassunneqarnissaat periarfissaasinnaasoq Afghanistanimi ministerit ilaat oqaatigereerpaa.