Sallunaveeqqutitut tigummineqartut iperagaapput
Danskit umiartortut tallimat sallunaveeqqutitut tiguagaasimasut somaliamiut imaani ujajaaniartartuinit tiguagaaqqareerlutik ippassaq unnuakkkut Danmarkimut tikipput. Umiarsuarmi inuttat ilaat somaliamiut imaani ujajaaniartartuinit iperagaasoq, Jens Peter Skov Jensen, misigisisani pillugit ilaatigut oqaluttuarnermini,
sallunaveeqqutitut tigummineqarnermi kingorna inuunini allatorluinnaq isigilersimallugu eqqarsaatiginikuunngisaannakkaminik.
- Sallunaveeqqutitut tigummineqarnerma nalaani ilaqquttakka ullut tamaasa eqqaanngitsoorneq sapertarpakka, nalunngilaralu taakkua aamma eqqarsaataanniittugut, ilaanni misigisarama soorlu ilaquttakkalu immitsinnut takoqqinnaveertugut
umiartortoq, Jens Peter Skov Jensen oqaluttuarpoq, nangilluni:
- Tatitusaarniarnissara assorsuaq ajornartorsiutigisarpara,
kamaqqanera ilaatigut aqqussinnaasarsimanngilara, matu iigarlu tilluttarunnaarneq ajorakkit.
Maannakkut qasuersaassaanga, misigisimasapilukkalu aningorniarsarissallugit, ilaqquttakka najorallassavakka, kiisalu qimutsuitsunut ingerlatitsisunngoqqissinnaaguma qimutsuitsuni sulileqqikkusuppunga. Maannakkut Umiartoqqinnissara eqqarsaatiginngilara Jens Peter Skov Jensen Danmarks Radio-mi apersorneqartilluni oqaluttuarpoq.