- Sallunaveeqqutit tigusaasutut misigisimavugut

- Qiasunngunarpoq nuanneranilu, taama misigisimapput Rosa Sørensen aamma Aanina Petersen Upernavimmeersut. Taakkua Air Greenlandip timmisartortartuisa suliffimminnit mattunneqarnerisa kingorna eqqugaasut ilaagaat.

Taakku Ilulissanut uniinnarput Hotel Arcticimullu inissinneqarlutik.

Rosa Sørensen sallunaveeqqutit tigusaasutut misigisimasoq.

- Suliffinni ullumi sulillunga aallartittussaagaluarpunga, massakkut aningaasarsiassakka ilanngangaatsiartussaapput, Rosa Sørensen Århusip napparsimaveqarfiani sulisoq oqarpoq, nangillunilu:

- Kamannarpoq nuannernanilu.

Aanina Petersen aamma uniinnartariaqartunut ilaavoq. Upernavimmut juullisioriartoreerluni Qallunaat Nunaannut uteraluarpoq.

- Tujorminarpoq qiasunngunaannarlunilu, nuanninngilaq taamatut pisoqarnera aamma nerisavut nammineq akilertussaagatsigik, Aanina Petersen oqarpoq.

Taanna allatut ajornartumik Ilulissani sapaatip akunnera utaqqiinnartariaqarpoq. Sulilu naluaa qaqugu Qallunaat Nunaannut ingerlaqqissanerluni.