Sallu atorlugu utoqqatsissutissarsiorsimasoq paasineqarpoq

Issittormiut Canadami marsip ulluisa 29-anni ataatsimiinnerannut Lene Espersenip peqataasinnaanani nalunaarutigigamiuk "allanik isumaqatiginninniarnissaq" "ulapinninilu" utoqqatsissutigai - ilaquttami angalaqatiginissai sumilluunniit eqqaanagu.
apriilip 27-at 2010 08:15

Allagaatini, aviisip Ekstra Bladet-ip pissarsiarisimasaani, tamanna takuneqarsinnaavoq.

- Assigiinnarpaa immaqa soorlu 60-iliilluni inuuissiortumut qaaqqusaasimalluni, aggernissarlu eqiagilluinnarlugu, sallu immannguaq atorlugu utoqqatsissutissarsiorneq, politikkikkut oqaaseqartartoq Niels Krause-Kjær, aviisimi Ekstra Blademi naliliivoq.

Danmarkimi nunanut allanut ministeriusimasup, Per Stig Møllerip ataatsimiinnermi peqataanissani eqqarsaatigisimagaluaraa Canadami nunanut allanut ministerimut allagaani takuneqarsinnaavoq.

Allakkamini erseqqissarpaa "ataatsimiinnissaq assut qilanaarigini", "issittumut sineriallit pillugit pingaarutilinnik" oqallittoqartussaammat.

Lene Espersenip pisimasoq pillugu utoqqatsernissaa Danmarkimi politikerit arlallit maanna piumasaraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq