Saliinissamut Danmarki nammineq akiliiniarpoq

decembarip 07-at 2004 08:19

Pituffimmi eqqaavissuit amerikamiut mingutsitaasa salinneqarnissaannut atatillugu USA-p akileeqataasariaqarneranik Statsminister Anders Fogh Rasmussen USA-mut saaffiginninnianngilaq.

Danskit naalagaaffiat kisimi siorna isumaqatigiissutaareersut malillugit akiliissasoq statsministerip ullumi naqissuserpaa. Folketingimut ilasortaq Enhedslistinimeersoq Keld Albrechtsen apeqquteqaatigigaluarpaa, ilumut USA akileeqataasariaqannginnersoq, paasineqareermammi ilimagisamit mingutsitsineq annertoqisoq, Keld Albrechtsenilu isumaqarpoq USA-p nammineq piliani salittariaqaraa.

Danmarkimi naalakkersuisut folketingimi aningaasaqarnermut ataatsimiititaliamut saliinissamut akissanik immikkoortitassanik qinnuteqassasut statsministeri akivoq. Nunatsinni avatangiisinut maleruaaqusani piumasarisaasut malillugit Pituffimmi eqqaavissuit salinneqassasut, statsministeri Anders Fogh Rasmussen aamma akissutimini ilanngullugu oqaatigaa.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk