Sakkutuut qasoruttortut angerlarartitsisoqassaaq

Danskit sakkutuuisa Irakimiit angerlarartinneqarnissaannik aalajangiineq illersornissamik suliaqartunut piffissaavoq naleqquttoq. Sakkutuut nunani allani ima suliassaqartigipput Danmarkimi namminermi suliassat malinnaasinnaanatik. Danmarkimi sakkutuut inuttassaaleqineq ajornartorsiutigigaluttuinnaleraluarpaat:

- Sakkutuut akornanni piffissami kingullermi nalorninartorsiortoqaleruttortoq danskit sakkutuui angerlarartinneqartussanngorput. Danskit sakkutoorpassuisa suliassaqarpallaarnertik artulertoorlugu sakkutooqarfik qimattarpaat, akulikippallaamillu angerlartitsisoqartarluni.

Piffissamilu kingullermi sakkutuut peqatigiiffiiniit ammasumik oqaluuserineqartaannarpoq illersornissamik suliaqartut akornanni sulisussaaleqineq suliassallu amerliartuinnarnerat pissutigalugu sakkutooqarfiit ajalusuunngujoortut. Sakkutuullu angerlarartinneqarnissaannik aalajangerneq piffissaavoq nalorninartorsiuleruttornermut naleqqulluartoq, taama sakkutuut naalagaat Henrik Sommer.

- Tamanna oqiliallannarpoq, immikkut ilisimasalittagut anersaartorfissaqalaalissapput, oqarpoq.

Aperineqarporlu ajornartorsiutaat taamaalillugu qaangerneqarnersoq.

- Suli inuttassaaleqivugut kisianni soorunami pissutsit oqinnerulissapput, sakkutuut naalagaat oqarpoq.

Erseqqissaatigineqarporlu sakkutuut Irakimiit angerlartussat tikippata aqaguani sakkutuut 200-t Afghanistanimukartussat Afghanistanimukartinneqassanngitsut.

- Pisariaqartipparput sakkutuut Irakimiit tikittussat iluamik pineqarnissaat kingornalu pissassarlugit sukasaqqinnissaat, sakkutuut naalagaat oqarpoq.