Sakkutuut pissaanerminnik takutitsipput

Korea Avannarliup illoqarfittut pingaanersaani, Pyongyangimi, sakkutuut aqqusernitigut ingerlaarlutik pissaanerminnik ullumi takutitsipput.
Allattoq Apollo Jeremiassen
oktobarip 10-at 2010 13:43

Takutitsinersuarmi, siuliinut naleqqiullugu aatsaat taama annertutigisumi, Korea Avannarliup siuttui, Kim Jong-Il aamma taassuma ernerisa nukarlersaat ataataminullu kingoraartissaagunartoq, Kim Jong-Un. TV-kkut assilisat naapertorlugit Ritzau taama allappoq.

Kommunisme toqqammavigalugu naalakkersuineq ukiuni 65-ni atuutsinneqartoq pillugu sakkutuut takutitsipput, aamma utoqqaat inuusuttunit taarserneqalernarat ersersinniarneqartoq pissutaaqataatinneqarpoq.

Takutitsinersuaq pivoq Kim Jong-Umip (tassa Kim Jong-Ilip ernera nukarleq) sakkutuunut qullerpaanngortsinneqarneranit sapaatip akunneri marluk qaangiutiinnartut.

Kim Jong-Um 27-nik ukiulik aatsaat TV-kkut assilineqarpoq, Korea Avannarlermi inuit pingaarnerit ilaasa eqqaani nikorfasoq.

Sakkutuut takutitsinersuat aatsaat siullerpaamik nunat allamiut tv-anit aamma radioanit aallakaatinneqartoq BBC-ip nalunaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq