Sakkutuut naalagaat tunuarpoq

McChrystal generalimit allamit sisamanik ulloriaasalimmit David Petracusimit kingoraarneqarpoq.

McChrystal Illorsuarmi Qaqortumi USA-p præsidentianit ullumi naveersippoq, generali taanna sisamanik ulloriaasalik atuagassiamut Rolling Stonemut akerliuniutinik arlaleriarluni oqaaseqareersorlu.

Allaaserisami qulaarneqarpoq, McChrystalip sulisuisalu præsidenti, præsidentip tullia Joe Biden Obamallu aqutsisoqarfiani inuit pingaarutillit qanoq mamarlertarsimaneraat. Allaaserisami McChrystal ilaatigut Obamamik "qunutuutut" "akunnattuungasumillu" taaguisimanera issuarneqarpoq.

Oqaloqatigiinneq minutsinik 30-nik sivisussuseqarpoq. Tamatuma kingornagut McChrystal oqaaseqaateqanngilaq. Nalunaaquttap akunnera ataasiinnaq qaangiummat Barack Obama Illorsuup Qaqortup naatsiiviani tusagassiortunik ataatsimiititsivoq:

- Stanley McChrystalip soraarniuteqarnera ajuusaaraluarlunga ullumi akuersissutigaara, præsidenti oqarpoq.

McChrystalip taartaa, David Petracus, USA-p NATO-llu Irakimi sakkutuuinut 2008-mi januaarimiit septembarimullu oqartussaanerpaavoq.