Sakkutuut Mubarak illersulerpaat
Nunami ukiuni 30-ni sakkortuumik aqutsinerup atorunnaarsinneqarnissaa naqisimaneqanngitsumillu qinersisinnaanerup qulakkeerneqarnissaa, sakkutuut nalunaarumminni neriorsuutigaat.
Tamatumunnga peqatigitillugu akerliussutsimik takutitsisut aqqusinernit qimaguteqqullugit "inuunermullu nalinginnaasumut" uteqqullugit sakkutuut naalagaasa kajumissaarutigaat.
Taamatut nalunaaruteqartoqarpoq, præsident Hosni Mubarakip pissaanerup tigumiami ilaata præsidentip tullianut Omar Suleiman-imut tunniunniarlugu ippassaq nalunaaruteqareersorlu.
Mubarak præsidentitut tunuarumanngittuarsinnarpoq - tamannalu akerliussutsiminnik takutitsisut kamaatigisorujussuuaat.
Akerliussutsimik takutitsisut ullumi tallimanngornermi qinoqatigeereernerup kingorna akerliussutsimik takutitsinissanut aggersaapput, taamaammallu Igitsinimi sapaatip akunnerini pingasunngulersuni naalakkersuinikkut eqqissiviilliortoqarnerani aatsaat taamak peqataaffigineqartigisumik akerliussutsimik takutitsisoqassagunarluni.
