Sakkutuut killilersorneqalerput
Afrika kujallermi inatsisit allanngortinneqarnerisa kingorna, sakkutuut attartortakkat Afrika kujallermeersut, nunanit allanit attartorneqarniarunik, pisortaniit immikkut ittumik akuersissummik aatsaat peqqaqqaarlutik, Afrikamit kujallermit anisinnaalissapput. Taama BBC oqaluttuarpoq.
Pisortat siornatigut aperineqaqqaarneq ajorput.
Sakkutuut attartorneqarsinnaasut Afrika kujallermeersut amerlapput, oqartoqartarporlu sakkuttuut attartortakkat Afrika kujallermeersut 4000-it missaanniittut, sorsuffinni ornigineqanngitsuniittartut.
Afrika kujallermi sumiiffinni assigiinngitsuni pikitsitsiniartoqaraangat sakkutuut attartortakkat atorneqakkajupput. Kingullermik sakkutuut attartortakkat atorneqarluarput, Ækvatorial Guinea-mi 2004-mi mumisiteriartoqaraluarmat.
Inatsimmik allannguisoqarnera assigiinngitsorpassuarnit uparuartorneqarpoq, annerusumillu Tuluit Nunaanniit uparuaasoqarluni. Maannakkorpiaq Afrika Kujallermeersut sakkutuut Tuluit Nunaannit attartorneqartut 800-t missaanniipput.
