Naalagaaffiit Peqatigiit timmisartoqqusinnginnermik atuutsitsilernerat, sakkutuullu atortuinik Gaddaffip pigisaanik aserorterinissaq, timmisartut malersuutit F16-it arfinillit atorlugit qallunaat peqataaniarlutik sapaatip-akunnerani kingullermi aalajangernerat, qallunaat 78 procentiisa tapersersoraat Gallupip misissuisitsinerani nutaami takuneqarsinnaavoq. Aviisimi Berlingske Tidendemi tamanna allaaserineqarpoq.
Qallunaat taama amerlatigisut tapersersuinerat Danmarkimi nunanut allanut ministerip, Lene Espersenip, nuannaarutigaa.
- Gaddaffi qanorluunniit periarsinnaavoq, ajornerpaamillu iliornissaa ernummatigineqarpoq - soorlu pissaaneq pigiinnarusullugu inuiannik toqoraasinnaalluni, Lene Espersen oqarpoq.
Qallunaat 64 procentii aamma isumaqarput, Gaddaffip "uppitinneqarnissaa, allaallumi "toqunneqarnissaa", naalakkersuisooqatigiit anguniartariaqaraat.