Sakkutuut ikiaroornartumik hash-imik pujortarsimasut angerlartinneqarput
Taamatut oqaluttuarpoq sakkutuut naalagaat kaptajn Niels Brandt nutaarsiassaqartitsivimmut Ritzauimut.
Sakkutuut ikiaroornartumik hash-imik atornerluinerat sakkkutooqarfimmi oqallissaasimavoq, tamatumalu kingunerisaanik aqutsisut politiinut attaveqarsimapput. Politiit misissuinerminni paasiviaat sakkutuut 280iusut akornanni 14-it pinerluuteqarsimasutut nalunaarsorneqarsimasut. Taakkualu quisinneqarput, arfinillillu Hash-itorsimasut paasineqarlutik.
Sakkutooqarfik tamakkerlugu sisamanngormat politiinit qimmilinnit misissuiffigineqarmat ikiaroornartumik hash-imik nassaarfigineqarpoq, tamatumalu kingunerisaanik sakkutuut arfinillit angerlartinneqarnerannik. Sakkutuut naalagaat kaptajn Niels Brandt misissuisitsinerup kingorna kikkunut tamanut nalunaarutigalugu oqarpoq, ikiaroornartumik Hash-imik atornerluineq akuerineqarsinnaanngitsoq.