Sakkutuut aamma oqaatigereerpaat akerliussutsimik takutitsisunut akiuunniarnatik.
Tamat oqartussaaqataalernissaat pitsaanerusumillu inuuneqalernissaq Igitsinimi innuttaasut piumasaraat, tamannalu sakkutuunit tapersersorneqarpoq.
- Inuttaasut piumasaat ataqqivagut, taamak sakkutuut oqaaseqartartuat Igitsinimi Tv-qarfissuarmut oqarpoq.
Taassuma ilanngullugu naqissuserlugulu Igitsinimi killiligaanngitsumik oqaaseqarsinnaaneq sakkutuunit tapersersorneqartoq.
Akerliussutsimik takutitsineq ullut arfineq-pingajussaanni ingerlareerpoq, akerliussutsimik takutitsisut Kairop ilaani Tahrir-imi maanna katersuussimapput, taannalu katersuuffik maanna atserneqarsimavoq eqqissinerup naapittarfia.
Igitsinimi præsidentimut tullersortip sapaatillu akunnerata siuliani atorfinitsinneqartup Omar Suleiman, præsidenti qinnuigaa Igitsinimi Naalakkersuisut poliitikerillu ataatsimeeqqullugit.
- Præsidenti ataatsimeeqqatigigakku qinnuigaanga sukkanerpaamik politikerit oqaloqatigeqqullugit, tassani paasiniaqquaa politikerit tusarniaqqullugit inatsisit suut allanngussanersut ilaalu ilanngullugit, Omar Suleimann oqarpoq.