Sakkutuut Afghanistanimit angerlartinniarpai
Sakkutuut 2500-t missaanniittut aappaagu ukiup naalernerani angerlartiinnarniarlugit ministeriuneq oqarpoq. Sakkutuut Canadameersut 78-it manna tikillugu Afghanistanimi toqutaareerput. Isumalioqatigiissitaq, Canadami nunanut allanut ministeriusimasumik siulittaasulik, sapaatip akunnerani kingullermi nalunaarpoq Canadamiut Afghanistanimiiginnartariaqartut, NATO-mulli ilaasortat aatsaat minnerpaamik sakkutuunik 1000-inik amerlaliissappata. Stephen Harper ippassaq oqarpoq Afghanistanip kujasinnerusortaani NATO-mi ilaasortat tapersersuinngippallaartut. Siornatigut tuluit, pukkittormiut danskillu taamatut amma isornartorsiuisareerput. Afghanistanimi anguniagaq pissutsit taamaaginnartillugit ingerlanniarneqaannassappat Canadami naalakkersuisunut illuatungiliuttut, naalakkersuisunik uppisitsiniarniarlutik qunusaaripput.
