USA-mi illersornissamut pisortaq, admiral Mike Mullen, taama oqarpoq, taanna Afghanistanimiippoq USA-p nunami tamaani pilersaarutai nutaat pillugit oqartussaasunik oqaloqateqariartorluni.
Sakkutuut nunasiortut 1.500-t Afhanistanip kujasissortaanut eqqissiviilliorfioqisumut Helmand-provinsimut sapaatip akunnerani uani anngutissapput. Sakkutuut tusindtit arlaqartut qaammatini tulliuttuni tamaanga tikinnissaat taakku piareersassavaat.
Pikitsitsigajuut Afghanistanimi provinsini 34-usut ilaanni qulingiluani naalagarsiortitsinerarlugit admiral Mike Mullen aarlerisaarivoq, aamma oqarluni, pikitsitsigajuut sunniuteqariartuinnartut.
Mike Mullenip aamma aarleqqutigaa, afghanistanimiut pikitsitsigajuut Talibanikkut peqqarniisaartartunik attaveqartunik al-Qaedakkunnik suleqateqaleraluttuinnarmata.