Sakkutuut eqqissisimatitsisussat 17.000-t januaarimi Sudanip immikkoortortaanut Darfurimukartinneqartariaqarput, naalagaaffiit peqatigiit eqqissisimatitsiniarfianni pisortaq Jean-Marie Guehenno taama nalunaarpoq.
Darfurimi qernertormiut arabiamiullu ukiuni kingullerni pingasuni sorsuupput.
Arabiamiut pikititsiniat Janjaweedikkut naalakkersuisooqatigiinnit tapersersorneqartut ujajaasarput, pinngitsaalliillutik atoqateqartarlutik toqutsisarlutillu. Inuit 300.000-t angullugit toqunneqarsimassasut millionilikkaallu angerlarsimaffimminnit qimaasimassasut eqqoriarneqarpoq.
Naalagaaffiit peqatigiit isumaqatigiisitsiniartoralugit illuatungeriit eqqisseqatigiinniarlutik qaammatip uuma ingerlanerani isumaqatigiissusiorput.
Danmarkimi naalakkersuisut siusinnerusukkut nalunaaruteqarput, Darfurimi sakkutuuliinissaminnut piareersimallutik.