Sakkutuunik tunuartitsinissaq ukiormanna aallarteriissaaq
Sakkutuut afghanistanimiut qallunaat sakkutuuisa siunissami sungiusartalissavaat, sallerpaatut inissisimasarunnaarlutik.
- Afghanistanimiunut akisussaaffimmik tunniussineq ukioq-manna aallartinneqassaaq, afghanistanimiut 2014-ip naalernerani nammineersinnaalersimanissaat siunertaralugu, nunanut allanut Danmarkimi ministeri, Lene Espersen, isumaqatigiissut pillugu oqarpoq.
Qallunaat sakkutuui katillugit 750-it massakkut Afghanistaniliartinneqartaraluarput, 650-iinnanngortinneqarnissaalli aappaagu ukiup affaani kingullermi anguniarneqarpoq.
Sakkutuunik qallunaanik ikinnerusunik 2013-imi 2014-imilu Afghanistaniliartitsisarnissaq partiinit akunnermiliuttunit kingusinnerpaamik aappaagu 2012-imi isumaqatiginninniutigineqassaaq.
2014 naappat qallunaanik sorsuttartunik Afghanistanimi sakkutooqartarunnaassasoq naalakkersuisut partiillu isumaqatigiissutigaat.
Isumaqatigiissummut ilaavortaaq Afghanistanimut aningaasaliisarneq 100 millionit koruuninik ilaneqassasoq partiit isumaqatigiissummut atatillugu aamma isumaqatigiissutigaat.
