Sakkutuunik aallartitseqqinnginnissaq siorasaarutigineqarpoq
USA-p præsidentia Barack Obama Afghanistanimi sakkutuut qanoq pineqarnissaat pillugu sorsunnermi siunnersuisoqatigiinnik ippassaq ataatsimiititsivoq. Præsidentimut siunnersuut kingulleq imaappoq: Aallartitsisoqassanngilaq.
Afghanistanip illoqarfiisa pingaarnersaannit Kabulimit amerikap aallartitaata ataatsimiinnermi eqqaamasassiani nassiuppaa. Afghanistanimut sakkutuunik arlaqarnerusunik aallartitsisoqarnissaata iluaqutaanissaa taassuma ilimaginngilaa, Afghanistanip præsidentiata peqquserluttuliortarneq unitsinngippagu. Amerikamiut talebanit sakkutuuinut sunniuteqarniarlutik illersorniarlutillu akilersittartunut sorsunnerat tunngavissaqanngilaq.
Siunnersuisoqatigiinnit Barack Obama sakkortuumik pinngitsaalineqarpoq illuatungaatigullu Afghanistanimi sakkutuuni qullersaalluni naalakkiisartumit general McChristomit. Taassuma nalunaarutigaa Afghanistanimi suliniuteqarneq ilumut allanngortissagaanni sakkutuunik suli 40.000-inik amigaateqarluni.
USA-p præsidentia suli aalajanginngilaq Afghanistanimut sakkutuunik aallartitsissanerluni aallartitsissannginnerluniluuniit. Barack Obama aalajangernissaminik nukingiussiumanngilaq. Sorsunnermi siunnersuisoqatigiinnut oqaatigiumasaa tassaaginnarpoq amerikamiut suliniuteqarnerat naaffeqanngitsuusaatut inngitsoq Afghanistanimilu naalakkersuisut imminnut pitsanngorsartariaqartut.
