Sakkutuuliiniarunarput
Kangiani qiterlermut sakkutuunik aggertitsisoqassanersoq, FN-imi isumannaallisaanissamut ataatsimiisitaliap aalajangernissaa ullluni arlalialunni utaqqineqarallassaaq, sulilu matoqqasumik tamanna ataatsimiissutigineqarpoq.
Akersuuttoqarunnaarallarnissaanik piumasaqarnissamik, aammalu sakkutuuliinissamik FN-ip generalsekreteriata Kofi Annan-ip tuluillu premierministeriata Tony Blair-ip siunnersuutaat isumannaallisaanissamut atatsimiisitaliap ataatsimiissutigissavaat. Ataatsimiisitaliaq 15-nik ilasortaqartoq, isumaqatigiissinnaasimanngilaq. Taamaammat Libanon-imut Israelimullu aallartitat uterpata, aalajangigassat ilaat aatsaat aalajangerneqarsinnaassaaq.
Isumannaallisaanissamut ataatsimiisitaliami USA ilaavoq, USA-llu tapersersorpaa, Israelip Libanon-imik saassussisarnera, aammalu eqqisseqatigiinnissaq USA-p tapersersunngilaa.
