Sakkutuujunngitsut aqqaneq-marluk toqutaapput

Nunat Killiit Illersoqatigiiffiat NATO talibaninik Afghanistanimi saassussimmat sakkutuujunngitsut aqqaneq-marluk toqutaasimasut NATO-p nalunaarutigaa. Raketit igeriuttakkat talibaninut aallartinneqarmata sakkutuujunngitsut eqqorneqarput.
Allattoq Mads Lynge
februaarip 14-at 2010 14:46

Sakkutuujunngitsunik eqquisoqarsimanera sakkutuut naalagaata amerikamiup Stanley McChrystalip ajuusaarutigaa.

Sakkutuut NATO-meersut Afghanistanimeersullu katillugit 15.000-it talibaninik tallimanngormalli saassussipput.