Biilit siuleriiaat timmisartuniit eqqaanneqarput, pikitsitsisunik biiliniittoqarsoralugu sakkutuut NATO-meersut ilimagimmassuk. Meeqqat arnallu arlallit toqutaasunut ilaapput.
Provinsimi Uruzganimi pisortaq oqarpoq, busseeqqat pingasut aqqusinersuakkoortut eqqaassinermi eqqorneqarsimasut. Busseeqqat sequmivissimasut NATO-p sakkutuuisa tikimmatigik aatsaat paasineqarpoq sakkutuujunngitsut ilaasuusimasut.
Saassussineq inuinnarpassuarnillu toqutsineq Afghanistanimi naalakkersuisunit sakkortuumik assuarineqarpoq.
Toqutsinerit pinngitsoorsimasinnaagaluartut, naalakkersuisut ataatsimeereerlutillu nalunaarput, præsident Hamid Karzai ataatsimiinnermi aamma peqataavoq.