Sakkutuujunngitsut 23-t toqutaapput

Libanonip kujasinnerusortaani Syriap killeqarfiata nalaani Bekaa-p qoorortaani Israelimiut timmisartukkut saassussimmata, sakkutuujunngitsut ikinnerpaamik 23-t toqutaapput. Inuppassuit ikilerneqarsimasut aamma oqaatigineqarpoq.

Tuluit nutaarsiassaqartitsiviat Reuters taama allappoq.

Isumannaallisaanermik suliallit oqarput, nunaannarmi sulisartut naatitanik biilinut nillataartitsivilinnut usilersuileruttortut rakettinik eqqorneqarsimasut. Saassussineq illoqarfiup Qaa-p eqqaani pivoq.

Toqungasorpassuit ikiligaasimasorpassuillu Syriami napparsimmaviliaanneqarsimapput, Libanonimi aqquserngit qaartartumeerneqarsimanerisa kingunerisaannik atorneqarsinnaajunnarsimammata.

Hizbollah-p akiniaaneratigut rakettit ikinnerpaamik 120-t Israelip avannarpasinnerusortaanut igeriunneqarsimapput.