Assi: Simon Uldum/KNR

Sakkutooqarfiusimasut salinneqarnissaannut immikkoortinneqartut amerlineqartut

USA-p nunatsinni sakkutooqarfigisimasaasa salinneqarnissaannut nunatta Danmarkillu ataatsimoorlutik toqqaanissamut aallartitsinissamullu 180 millionit koruunit atussavaat. Tamanna Naalakkersuisut siulittaasuata, Kim Kielsenip, danskillu avatangiisinut inuussutissanullu ministeriata, Esben Lunde Larsenip (V) Københavnimi ullumi atsioqatigiissutigivaat.

Saliinissamut ukiunut tulliuttunut arfinilinnut katillugit 180 millionit koruunit immikkoortinneqarput. Aningaasat Naalagaaffeqatigiit siorna aasakkut ataatsimiinneranni siullermik immikkoortinneqartunit 30 millionit koruuninik amerlanerupput.

Danmarkip USA-llu illersornissaq pillugu 1951-imi isumaqatigiissutaat naapertorlugu USA-p nunatsinni sorsunnersuup aappaani sakkutooqarfigisimasai ilassutitullu isumaqatigiissutigineqartut arlallit tassani pineqarput.

Assersuutigalugu Nuup kujataanittoq Marraq, Tasiilallu eqqaaniittoq Ikkatteq ilaapput.

USA-lli Danmarkillu illersornissaqarfiata ullumi atugaat, soorlu Pituffik, Kangilinnguit Station Nordilu, isumaqatigiissummi ilaanngillat.

Aamma USA-p sakkutooqarfigisimasaa Camp Century isumaqatigiissummi ilaanngilaq. Camp Centuryli qanoq mingutsitsiffiutiginersoq ilisimatuunit maanna misissorneqarpoq.

Isummersuutit





Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat