Sakkutooqarfeerunneq akisunaarujussuarpaat
Islandimi amerikamiut sakkutooqarfitsik Keflavik septembarimi qimappassuk islandimiut ujariatsissapput.
Nutaarsiassaqartitsiviup Visbindingip naatsorsorsimavaa sakkutooqarfimmik taamaatitsineq islandimiunut ukiumut 500 mio. kr.nik naleqassasoq. Siusinnerusukkummi amerikamiut isumagisaralui sakkutooqarfik matuneqarpat islandimiut namminneq isumagisassatik akilertalertussaassavaat.
Assersuutaasinnaavoq Keflavikimi mittarfiup ingerlanneqarnera, helikopterillu atorlugit annaassiniartarnerit. Inuinnaallu sakkutooqarfimmi sulisut 600-t soraarsitaanissaminnik nalunaarfigineqareerput.
Islandimi tamakku naatsorsuutigineqarsimanngikkaluit mittarfiup matuneragut namminneq sakkutooqalissagunik
akisunaartussanngorpaat.
1951-imi Islandip illersornissaa amerikamiut isumagisarisimagaluarpaat.
Matusinermut amerikap præsidentia George W. Bush aalajangiivoq, sakkutuullu atortullumi allaniittuni pisariaqartinneqarmata.
