Sakkutooq ikilerneqangaatsiartoq
Sakkutooq Danmarkimeersoq Afghanistanimi aallaaneqarluni ullumi ikilerneqangaatsiarpoq. Aallartoorfigineqarsimanersoq saassussisoqarneraniluunniit aallaaneqarsimanersoq suli qulaajarneqanngilaq.
Allattoq Mads Lynge
Sakkutooq suliarineqareerpoq, sulili nakkutigineqartariaqartoq, Sakkutuut Qullersaqarfiata unnummut nalunaarutigaa.
Helmandimi Gereskhimi eqqartoqarneratigut sakkutooq eqqorneqarsimassangatinneqarpoq, aallartoorfigitissimasinnaammallu pisimasoq misissuisoqaleruttorpoq.
Sakkutooq danskit Afghanistanimi sakkutooqarfiannut Camp Bastionimut qulimiguulimmik aallarunneqarpoq, nakorsanillu tassani ingerlaannaq passunneqarluni.