Sakkutooq danskiusoq toqutaavoq
Irakimi aqqusinermi qaartartut ilineqarsimasut ilaat ullumi biilinik aqqusaalatorineqarmat danskit sakkutuuat ataaseq toqutaavoq ataaserlu aqqunarsimaqaluni.
Sakkutuulli sinneri arfineq-marluk immannguaannaq ikilersimasut oqaatigineqarpoq.
Danskit sakkutuui pineqartut tassaapput sakkutooqatiminnik allanik nakkutiginnittussaasuutitaasut.
Qaartartumeerisoqariitsiartoq tuluit qulimiguui takkutilertorsimapput qaartartumeeriffillu assersupallallugu. Ikilikkat napparsimaveqarfimmut ilaatigut danskinit najugaqarfigineqartumut Shaiba Log Base-mut qulimiguulimmik oqqunneqalertorsimapput.
- Pinartumik saassussisoqarsimaneranik nalunaarutisiaq taamaattoq aliatsannarpoq. Sakkutuugut taakkulu ilaqutaat alianartumik eqqugaasut atugaannut oqimaatsumut misiginneqatigaakka, taama oqarpoq danskit sakkutuuisa naalagaat Per Pugholm Olsen.
Danskit sakkutuuata toqutaasup ilaqutai ilisimatinneqareersimapput.
