Sakkutooq Afghanistanimi toqutaavoq
Danskit sakkutuuisa ilaat, ippassaq Afghanistanimi Ghereskip qooruani akersuunnermi ikilerneqartoq ullumi toqusimasoq, Sakkutuut qullersaqarfiat nalunaaruteqarpoq.
Allattoq Elisa Isaksen
oktobarip 16-at 2007 08:07
Sakkutuut naalagaasa ilaata 34-nik ukiullip Anders Storrudip qimatarai nuliani meeqqatillu marluk. Taanna ippassaq akersuunnermi ikilerneqarpoq, qamutilinnik qaartartunillu raketinik ingerlatilinnit eqqaanneqareerlutillu.
Taama nalunaaruteqartoqarneratigut danskit sakkutuui arfineq pingasut maannamut Afghanistanimi toqutaareerput.
