Sakkut ulorianartut Nuummi unnuami takussaapput
![](/sites/default/files/styles/image_934x467/public/article_images/politiskilt_redigeret_4.jpg?itok=zUxxji3P)
Qupinnguallarujussuartarpugut kukkunikkut angerlarsimaffimmi innaallagissap aqqutaanit 220 voltimit qupinnguallatsitaagaangatta. Maanna Nuummi politiit illuinnarsuut qupinnguallatsitsissut 7 millioner voltimik sakkortussusilik arsaarinnissutigaat.
- Sakku taama ittoq Nuummi imerniartarfiit ilaanni arsaarinnissutaavoq politiit kalerrinneqareersut inuit ilaat sakkumik nuisatitsisaqattaartoq, Nuup politiivi nalunaarput
Sakkut qupinnguallatsitsissutit aatsaat Nuummi naammattoorneqanngillat. Suliat taama ittut marluk siorna Nuup politiivisa aamma suliarisimavaat.
Illuinnarsuut qupinnguallatsitsissut arsaarinnissutaareerpoq piginnittorlu killisiorneqareerluni iperagaavoq eqqartuussiviilli aqqutigalugit malersoqqinneqassalluni. Sakkut pillugit inatsimmi unioqqutitsimasutut unnerluunneqarpoq.