Sakkussanik tuniniaasartoq tigusaasoq
Anngiorluni sakkussanik tuniniaasartup tullersortaa amerikkami isertortumik paasiniaasartut ukioq aallartilaartoq Københavnimi oqaloqatigitillugu terlinganiit immiullugu paasissutissanik nassuertissimaaqaat. Nunani allani arlalinni anngiortumik tuniniaasartoq terlinganiit ussiataareerlugu ippassaq Thailandimi qimaariartissinnaajunnaarsimavaat. Thailandip illoqarfiisa pingaarnersaanni Bangkokimi (Dalet: Våbenhandler….18.811….FADES…23.799)…tigusaq tusagassiortut uitsatigeqisaannik sassartinneqarmat nipaarsaartoqanngeqaaq. Anngiorluni sakkussanik tuniniaasartorsuaq Victor Bout Thailandiliarsimavoq isumaqarsimalluni Colombiami pikitsitsiniaqatigiit FARCimik tunuliaqutallit nuisitsivigissallugit. Paasineqareersimavorlu sakkut anngiortumik Colombiamut timmisartunik assartornerinnai 24 mill. kr.nnassutigissamaaraluarai. Victor Bout SovjetUnioniusimasumi sakkutuut qullersat ilagisimavaat, naalagaaffillu isasoormat timmisartorpassuarnik nunarsuatsinni eqqissiviilliorfiusunut sakkussanik anngiortumik angallassissutigisarsimasaminik pigisaqalersimalluni. Kinarpiaanera eqqoriaannarneqartuartarsimavoq, pissaasimananili, taamaallaalli ilisimaneqarsimavoq russiusoq. Ullunilu iluanaarfini ippassaq Thailandimi tigusarineqarnermigut naavai.
