Sakkussakillisaanissaq oqaluuserineqassaaq

Sakkussakillisaaneq pingaarnertut oqaluuserisassaavoq, tamannarpiarlu pissutigalugu, russit præsidentiat aamma ataatsimeersuarnissami peqataassaaq.

Suna ataatsimeersuarnerup eqqaamaneqaatigissaatut neriuutiginerlugu, NATO-p geralsekretæria, Anders Fogh Rasmussen ima oqarpoq:

- Sorsunneq nillertumik taaneqartartup maanna puigorluinnarnissaa aamma russillu isumaqatigiinngittarnerit puigorneqarnissaat siullertut eqqaamaneqaataassaaq, massakkummi suleqatigiinneq nutaaq aallartippoq, tassami kingulissatta toqqissillutik inuuneqalernissaannut tamanna tikkuussisuuvoq, Anders Fogh Rasmussen oqarpoq.

Aqagu aqagualugu ataatsimeersuarnermi, Afghanistanimit sakkutuut angerlarartinnissaannut, NATO-mi nunat ilaasortat isumaqatigiissutigissagaat, danskit ministeriunerata, Lars Løkke Rasmussenip kissaatigaa.

- NATO-p oqaluttuarisaanerani ataatsimiinnerit una pingaarnersaraat. Afghanistanimiit sakkutuut allarartinneqarnissaannut aqqummik siunnerfiusoq, statsministeri oqarpoq.

Løkke Rasmussenilli nassuerutigaa, danskit sakkutuuvi Helmadimiittut, Afghanistanimiunit taarserneqarlutik, kingullersanut ilaallutik angerlarartinneqassasut.