Nunat EU-mut ilaasortat ataasiakkaat tamarmik Tyrkiamut sakkunik niuertoqartarnerata atorunnaarsinneqarnissaannik pisussaaffilerneqarnerannik isumaqatigiissut suliarineqarpoq.Assi: Scanpix / BULENT KILIC

Sakkunik Tyrkiamut niueruteqartoqarunnaarnissaanik neriorsueqatigiittut

Nunat EU-mi ilaasortat Danmarkip kissaatigisimasaatulli sakkunik Tyrkiamut niueruteqarnerup unitsinneqarnissaanut aaqqiissuteqaqatigiipput.

Tyrkiamiut sakkutuui Syriami saassussillutik ungasinngitsukkut aallartinnerisa kingorna sakkunik Tyrkiamut niueruteqarnerup unitsikkallarneqarnissaa nunat EU-mi ilaasortat ataasinngornermi isumaqatigiissutigaat.

Nunat EU-mut ilaasortat Luxembourgemi ataatsimiinnerannit tusarfiit arlaqartut tamanna uppernarsarpaat, aamma nunat EU-mi ilaasortat nunanut allanut tunngasunut ministeriisa ataatsimiinerisa kingorna inerniliussaanni tamanna atuarneqarsinnaavoq.

- Nunat EU-mi ilaasortat Tyrkiamut sakkunik niueruteqartartut EU-p isummersuutaannut peqataasussaapput, ataatsimiissimanermi inerniliussami taama allassimavoq.

EU-p sakkunik nakkutilliineq pillugu isumaqatigiissutaa immikkut ittoq 2008-meersoq innersuussutigineqarpoq. Isumaqatigiissut ilaatigut ima allaqqasoqarpoq:

"Sakkunik avammut niuerutigisassanik tigusisussap sakkutooqarnermut atortorissaarutit nutaaliat atortulluuniit tigusani pissaanermik atornerluilluni nunamut allamut saassussinermut nunalluunniit ilaanut illersuinermut atuinissaminut ilimanaateqarpat nunat EU-mi ilaasortat sakkunik avammut niueruteqarnimmut itigartitsissapput".

AAMMA ATUARUK EU-mi ministerit Tyrkiamut assuarinnittut

Naalagaaffimmit aallartitaalluni aallartitaasartup oqarnera naapertorlugu nunat ilaasortat ataasiakkaat tamarmik Tyrkiamut sakkunik niueruteqarnermik atorunnaarsitsinissaminnut pisussaaffilerneqartussanngorlugit isumaqatigiissut suliarineqarpoq.

Suliarinissaa sivisunerussammat EU ataatsimoorussamik inerteqquteqanngitsoq isumaqatigiissummi ilaatigut allaqqavoq.

Danmarki, Tysklandi Frankrigilu nunat EU-p sakkunik Tyrkiamut niueruteqarnermik unitsitseqqusinissaanut piumasaqarsimasut ilagaat.

Nunat EU-mi ilaasortat nunanut allanut tunngasunut ministerii oqarnerat naapertorlugu Tyrkiap sakkutuuisa Syriami saassussinerat annilaarnartunik pisoqarneranik malitseqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat