Sakkukillisarnissamik isumaqatigiissut INF Ruslandip peqataaffigiunnaaraa
Ruslandip sakkukillisarnissamik isumaqatigiissummut INF-imut peqataanerminit tunuarnissaanik kinguneqartumik Ruslandip præsidentia, Vladimir Putin peqqussummik ullumi ataasinngornermi atsiugaqarpoq.
Allattoq Ritzau
marsip 04-at 2019 15:26
Nutserisoq Paninnguaq Steenholdt
Kreml taama paasissutissiivoq.
USA peqqussummik atsiorpat Rusland aamma peqataajunnaassasoq, russit februaarimi nalunaarutigaat.
Isumaqatigiissut russit unioqqutissimagaat, USA isumaqarpoq. Tamanna russit akerlilerpaat, taakkumi isumaqarput amerikamiut unioqqutitsisut. Tamanna amerikamiut aamma akerlilerpaat.
INF-ip 1987-imi atsiorneqartup qaartartunik akunnattumik ungasissusilimmut igeriunneqarsinnaasunik inissittuinissaq inerteqqutaalersippaa naalagaaffiillu pissaaneqarnerpaat marluk sakkussakillisarnissaannut pingaarutilittut isigineqarluni.
INF USA-p Sovjetunionillu taamani siuttuisa Ronald Reaganip Mikhail Gorbatjovillu isumaqatigiissutigaat.
