Sakkortunerusumik pillaanissamit katsorsaaneq ajunnginnerussaaq

Inuit Ataqatigiinniit Kalaallit Nunaanni tamanit, innuttaasut tamarmik peqataaffigisaannik persuttaasarnerup akiorniarneqarnissaa ujartorneqarpoq. Partiillu oqaaseqartartuata, Agathe Fontain-ip sakkortunerusumik pillaasalernissaq iluaqutaasinnaasutut isiginngilaa.

Sakkortunerusumik pillaasarneq iluaqutaanavianngilaq, pinerlussimasulli isertitsivimmiinerminni ilumikkut kamaataat katsorsarneqartariaqarput. Inuit persuttaasimasutut pillarneqarlutik isertitsivimmiittut iperagaaqqinnissamik tungannut ilumikkut ippigisaminnik katsorsarneqartariaqarput, Agathe Fontain oqarpoq, politiillu atuarfinni pinaveersaartitsinermut atatillugu paasititsiniaasarnerat iluarineqaralugu. Persuttaanerli akiorniarlugu meeqqat mikineriniit angajoqqaat pinaveersaaqataasariaqartut aamma oqaatigaa. - Kiisalu peqatigiiffinnik ingerlatsisut pinaveersaartitsinermut ilaasariaqarput, persuttaasarnerup akuerineqarsinnaannginnera ilaasortaminnut paasissutissiissutigisarlugu. Inuiaqatigiit tamatta persuttaasarnermik akiuiniarnitsinni peqatigiiffinni, inuusuttullu sukisaarsartarfiini akisussaasut peqatigisariaqarpavut, Inuit Ataqatigiit oqaaseqartartuat, Agathe Fontain oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat