Sakiusi Biiniamiillu lastbiilitut

Royal Arctic Linep Tunumi lastbiilerisaat marluk Sakiusimik Biinijamiinimillu atserneqarsimasut naggasiutigissavagut!

-Lastbiilinut tunngatillugu isumassarsiaq aallaaveqarpoq nassiussat Tunumi sumiiffinnut minnernut isumannaatsumik apuunneqarsinnaaniassammata. Taakku prammersuarnut ikillugit nunamukaanneqartarput, taamaalillutillu nassiussat tigusisussamut apuunneqartarput, ingerlatsinermi suleqataasoq Lars Borris Pedersen oqaluttuarpoq.

Royal Arctic Linemi ingerlatsinermut pisortaq Taatsiannguaq Olsen lastbiilinik Sakiusimik Biinijamiimimillu atsiivoq. Atit taakkua Sakiusi aamma Biinijamiit inunnik toqqartaarinani oqalunnermi nalinginnaasumik atorneqartarput, soorlu Danmarkimi hr. aamma fru Jensen danskini atorneqartartoq.

Inatsisartut siulittaasuata Jonathan Motzfeldtip 1972-imi Landsrådemi EF pillugu oqallinnermi oqariaaseq taanna atorpaa taamaalillunilu oqariaatsimik nutaamik pilersitsilluni. Taamanikkut oqaluuserisaa tassaavoq EF-imut ilaasortanngorsinnaaneq innuttaasunit taasissutigineqartinnagu EF-imut tunngatillugu sukimiisumik paasisitsiniaasoqartariaqartoq,– paasisitsiniaaneq imaattariaqarmat Sakiusikkut Biinijamiillu malinnaatinneqarsinnaassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat