Sakini arnaq nittartakkakkut akitsorteruppaa

Tuluup angutip suliffissaqanngitsup sakini arnaq nittartakkami akitsorterussivikkut E-Bay-kkut tuninialersimavaa.

Aviisi Ekstra Bladet malillugu, sakimi arnap 50-nik ukiullip, imminik appisaluussiuaannartup, assinga nittartakkakkut akitsorterivimmut tamanit takuneqarsinnaanngorlugu nassiussimavaa, qulequtserlugu: 'Saki arnaq tuniniagaq'.Tuniniakkap allagartaa ima allagartalerneqarsimavoq: Una saki utoqqasaaq 1980-imili pinnersarneqarsimanngilaq. Arlaannik pinnersalaaraanni ajornavianngilaq. Ukiui eqqarsaatigissagaanni imaakasinngitsorujussuuvoq. Uumasunik nuannarisaqarpoq iggarissorujussuullunilu.

Ningaaq tuniniaasoq tuluit aviisiannut The Sun-imut oqarpoq, sakini arnaq pimoorulluinnarlugu tuniniarini. - Pissusera ullut tamaviisa allanngortinniarsaraa, uatsinnilu torersaaqqusarlunga. Neriuppunga arlaata pileritsaatissagaa aallarullugulu. Kisimiittuuvoq isikkoringaatsiarlunilu, ningaaq sakiminik qatsussilluinnarsimasoq ilanngussivoq.