Sakialluutip akiorniarneqarnera Canadap sakkortusaqqinniaraa
Sakialluuteqarneq piffissami sivisuumi ukkatarineqaqaaq. Nainimi inuusuttup sakialluut marsimi toqqutigaa Nunatsiavumilu inuit allat aamma nappaatigaat.
Sakialluutip Inuit Nunagat akornanni ulorianartorsiortitsivoq, tunillatsissimasummi amerliartuinnarput.
Sakialluuteqartarnerlu ima ajornartorsiutaatigaaq, Inuit sakialluutillit canadamiunut allanut sanilliullugit 300-riaammik amerlanerullutik.
Nunap inoqqaavi pillugit ministerip, Jane Philpottip, Inuit Tapiriit Kanatami siulittaasoq Natan Obed suleqatigalugu, tuberkulosep ukioq 2030 nallertinnagu nungutinnissaa anguniarpaa.
AAMMA ATUARUK Canadami tuberkulosep atuukkunnaarsinnissaa pimoorullugu sulissutigineqalersoq
Taassuma saniatigut tunillatsissimasut 2025-mi affaannanngoreersimanissaat anguniarpaa.
- Aalajangerneq taama sivisutigisariaqanngikkaluarpoq, ministeri oqarpoq.
Canadami Naalakkersuisut isumaqatigiissummik naammassinninnissaat Inuit siuttuisa qulakkiissagaat, Natan Obedip aamma oqaatigaa.
Canadami Naalakkersuisut Inuit akornanni sakialluuteqarneq akiorniarlugu peqqinnissaqarfinnut ineqarnernullu aningaasaliissutigineqareersut qaavisigut aningaasaliipput.