Sakialluut TB paasisititsiniutaassaaq

Naalagaaffiit Peqatigiit peqqinnissakkut suliniaqatigiiffiata tubakuluusi pillugu ullumi ulloq ulloritippaa, tamannalu Kommuneqarfik Sermersuup malunnartinniarpaa.
marsip 24-at 2011 12:20

Ulloqartitsineq iluatsillugu Kommuneqarfik Sermersooq sinnerlugu borgmester, Asii Chemnitz Narup-ip tubakuluusi malunnartinniarpaa.

- TB-mik nappaateqartut amerlinerat Nunatsinni tamarmi aamma Kommuneqarfik Sermersuumi aarlerinartorujussuuvoq. Taamaattumik Peqqissutsimut Naalakkersuisoqarfiup TB pillugu iliuuseqarnissamut pilersaarutaa nutartigaq pissagallunga utaqqivara, Asii Chemnitz Narup oqarpoq.

Taassuma Naalakkersuisut ukioq kingulleq TB pillugu paasisitsiniaanermik suleqatigilerpai.

- TB-mik nappaateqartut ikilisarneqartariaqarput pimoorussamik innuttaasunut paasisitsiniaanikkut aamma pinaveersitsiniaanikkut. TB nungutsivissagutsigu aamma ineqarnermi atugassarititaasut, aanngajaarniutit, imeqarnermut periarfissat aamma inuussutissat assigiinngiiaartut ilaatinneqartariaqarput, borgmesteri oqarpoq, nangillunilu naqissuserlugu, inuiaqatigiit peqqissut sulisinnaasut atorfissaqartinneqarmata, taamatullu sulisinnaassuseqarneq aqqutigalugu inuiaqatigiinni ineriartornermut tapertaassammata.