Sakialluut TB naggueqatitsinni atugaajartuinnavippoq

Naggueqatigiit inuit Canadami illoqarfinni nunaqarfinnilu najugallit amerliartuinnartut tuberkuloseqarput. Amerliartornerat pingaartumik ineqarniarnermikkut pissutsit ajussusiannik pissuteqartartoq.

Canadami naggueqatigiit inuit akornanni tunillaassuuttumik nappaalasoqartorujussuuvoq isumaqartoqaraluarlunilu nappaat tuberkulose nungutinneqareersoq, ukiunili kingullerni qulini nappaat uteqqissimalluni. Napparsimasut amerlassusiat annilaanganarsiartorpoq. Tuberkulosep nappaatigineqarnera Canadami naggueqatigiinni inunnut Canadamiunut allanut naleqqiullugu 185-eriaammik annertuneruvoq. Nappaatillit amerlavallaarput amerlanertigullu nappaat nappaatinik allanik ilakutaqartinneqartarluni, soorlu puatsigut nappaatinik.

Gail Turner Inuit Tapiriit Kanadamiittuni oqaaseqartartoq tusagassiorfinnut nalunaarummini allappoq napparsimasut amerlavallaarnerat pingaartumik nunami issittumi sumiffippassuarni ineqarniarnerup ajussusianik pissuteqartoq.

Amerlanertigut ilaqutariit tamavimmik inimi ataatsimi najugaqartarput. Illut oqorsarnerat pitsaasuuneq ajorpoq oqullu takussaasarluni, tassami illut Canadap kujasissortaani nuannaartorisat malillugit sananeqartarmata, taamaattorli Canadap issittortaanut qajannaatsuliaanatik.

Kisiannili, Gail Turner oqarpoq, aamma nunaqarfinni amerlanerpaani nakorsamik ikiorneqarnissaq misissuinerillu pisariaqartinneqartut pineq ajorput. Uanga nammineq Nunatsiavumi najugaqarpunga, arnaq taanna oqarpoq, najukkannilu tarrarsortissinnaanngilanga Goose Bayimulli ingerlasariaqassallunga.

Inuit Tapiriit Kanadamiittut ministeriuneq oqaaseqarmat Canadap nunani siuarsarniakkani arnat meeqqallu peqqinnissakkut sullinneqarnerat pitsaanerulersinniarlugu, aamma taassuma Canadami naggueqatigiit inuit peqqinnissakkut sullinneqarnerat ikiorsiivigeqqullugu qinnuigerusuppaat, Marianne Stenbæk Canadamiit taama ilanngutassiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat