Sakialluut isumasioqatigiissutigaat

septembarip 13-at 2006 06:27

Nunatsinni sakialluummik nappaateqarneq pillugu Nuummi ullumi isumasioqatigiittoqassaaq.

Peqqinnissaqarfimmiut, Danmark-imi puaat pillugit peqatigiiffik Danmarks Lungeforening, Inatsisartut peqqinnissamut ataatsimiititaliaat kiisalu Peqqinnissamut Pisortaqarfimmeersut isumasioqatigiinnermi peqataapput.

- Nunatsinni sakialluummik nappaateqartut ikiliartunngillat, peqqinnissamut nakkutilliisoqarfimmeersoq Flemming Stenz ippassaq aallakaatitamut Nunarput Ullumimut oqarpoq. Ukiormannaannaq sakialluummik nappaateqartut 45-inngoreersimapput ukioq mannalu naatinnagu 77-inngorsimanissaaat naatsorsuutigineqarpoq.

Isumasioqatigiinnermi, siunissami sakialluuteqarnerup qanoq ililluni akiorniarneqarsinnaanera takuneqassaaq. Flemming Stenz oqarpoq. Umiarsuaq puannik misissuilluni tarrarsuisartussaq kujataanukarluni ullumi (pingasunngornermi 13 september ) aallassaaq. Nanortalimmi Narsami Qaqortumilu nunaqarfinni sakialluuteqartoqarnersoq misissorneqassaaq.